سياسة الإلغاء والاسترداد

١كيف تلغي

الإلغاء بيتم بإرسال طلب مكتوب على saleh@vision-advertisng.com أو عالواتساب 052-4569131. التوقيت المعتمد هو وقت وصول الطلب إلنا.

منردّ على كل طلب إلغاء خلال يومين عمل. الاسترداد بيرجع لنفس وسيلة الدفع اللي دفعت فيها، خلال 14 يوم من الموافقة على الإلغاء.

٢جلسة الاستشارة - 480 ₪

• إلغاء بأقل من 48 ساعة قبل الموعد: المبلغ غير قابل للاسترداد، لأنه الوقت انحجزلك وانسكّر قدام غيرك.
• بتقدر تأجّل الجلسة مرة وحدة بدون رسوم، بشرط تعلمنا قبل 48 ساعة على الأقل.
• إذا أنا اللي ألغيت أو أجّلت - بتختار: موعد بديل أو استرداد كامل.
• إذا ما حضرت بدون إشعار مسبق - بتنعتبر الجلسة مستهلكة.

٣المرافقة الشخصية 1-on-1

بتنطبق على المسارين: أصحاب البيزنس (4,199 ₪) والمسوقين (4,500 ₪).

• قبل الجلسة الأولى: بتقدر تلغي وتسترد المبلغ كامل، بشرط يوصلنا الطلب قبل 7 أيام على الأقل من موعد الجلسة الأولى.
• إلغاء بأقل من 7 أيام قبل الجلسة الأولى: منخصم 10% رسوم معالجة ومنرجّع الباقي.
• بعد ما تبلّش المرافقة: المبلغ غير قابل للاسترداد.

إذا أنا اللي ما قدرت أكمّل المرافقة لأي سبب - بترجعلك قيمة الساعات اللي ما استُهلكت، كاملة.

٤الكورسات والورشات

• إلغاء لحد 72 ساعة قبل موعد البداية: استرداد مع خصم 10% رسوم معالجة.
• إلغاء بأقل من 72 ساعة: المبلغ غير قابل للاسترداد.
• إذا انلغى الكورس من طرفنا: استرداد كامل، أو انتقال لمجموعة تانية - حسب اختيارك.

٥المنتجات الرقمية

الملفات والأدلة الرقمية بتوصلك فوراً بعد الدفع. لأنه المنتج بينفتح كامل بلحظة الشراء، ما في إمكانية إلغاء أو استرداد بعد إتمام الدفع وفتح الوصول.

إذا صار خلل تقني وما وصلك الملف - تواصل معنا ومنحلّها، أو منرجّعلك المبلغ كامل.

٦حقوقك حسب القانون

هالسياسة ما بتنتقص من حقوقك حسب قانون حماية المستهلك الإسرائيلي، תשמ״א-1981، وخصوصاً الحقوق المتعلقة بصفقات البيع عن بُعد.

بأي حالة بيكون فيها تعارض بين هالسياسة وبين حق مخوَّل إلك بالقانون - القانون بيغلب.