سياسة الإلغاء والدفع
كيف بتحجز مقعدك، كيف بتدفع الباقي، ووينتا بتقدر تلغي. كل الشروط بصفحة وحدة، مع أمثلة بالأرقام.
- حجز المقعد2,000 ₪دفعة مقدّمة
- باقي المبلغبدفعاتلحد 10 دفعات، حسب اختيارك
- الإلغاءلحد 26/11أسبوع قبل أول درس، مع خصم 5%
حجز المقعد والدفع
مقعدك بالفوج بينحجز إلك بس بعد ما تدفع مقدّم 2,000 ₪.
باقي المبلغ، 2,970 ₪، بتقدر تقسّطه لحد 10 دفعات بدون فوائد، حسب اختيارك. منوضّح جدول الدفعات قبل ما تأكّد الحجز.
طرق الدفع: بطاقة ائتمان، تحويل بنكي، أو Bit.
إلغاء التسجيل
-
بتقدر تلغي
لحد أسبوع قبل بداية الكورس
بيرجعلك المبلغ اللي دفعته، بعد خصم 5% منه رسوم معالجة.
للفوج السابع: لحد الخميس 26/11/2026
-
ما في إلغاء
أقل من أسبوع قبل البداية
إذا ضايل أقل من أسبوع لبداية الكورس، أو الكورس بلّش، ما في إمكانية لإلغاء التسجيل.
للفوج السابع: من الجمعة 27/11/2026
الخصم بينحسب من المبلغ اللي دفعته فعليًا لحد يوم الإلغاء، مش من سعر الكورس كامل.
إذا انلغى الكورس من طرفنا
بترجعلك المصاري كاملة، أو بتنتقل لفوج ثاني، حسب اختيارك.
كيف بتلغي
بتبعتلنا طلب إلغاء مكتوب عالواتساب 052-4569131 أو عالإيميل saleh@vision-advertisng.com. الموعد المعتمد هو وقت وصول الطلب إلنا.
منردّ على كل طلب خلال يومين عمل، والمصاري بترجع لنفس وسيلة الدفع اللي دفعت فيها، خلال 14 يوم من الموافقة على الإلغاء.
حقوقك حسب القانون
هاي السياسة خاصة بكورس Ads Manager Masters. بكل إشي بيخص الدفع والإلغاء بالكورس، هي بتغلب على السياسة العامة للإلغاء والاسترداد وعلى شروط الاستخدام.
وبنفس الوقت، ما بتنتقص من حقوقك حسب قانون حماية المستهلك الإسرائيلي، תשמ״א-1981. وبأي تعارض بينها وبين حق إلك بالقانون، القانون بيغلب.