لمين هاذ؟
إذا المونتاج واقف بينك وبين المحتوى
- إذا بتقضي كثير وقت على CapCut وEdits عشان تمنتج فيديوهات محتواك
- إذا الـeditor بيكلّفك كثير، وإنت بدك تعمل محتوى أكثر بدون ما تدفع أكثر وأكثر
صاحب مصلحة
المونتاج بياكل من وقتك
عندك مصلحة تديرها وزباين تخدمهم. كل ريل بيسرق منك ساعات. صوّر، ابعت، وارجع لشغلك.
بتدفع لـeditor
المونتاج بيكلّفك كثير
كل ريل بيكلّفك مصاري ووقت انتظار. من إسا بتصوّر بالتلفون، والريل بيرجعلك جاهز بستايل ثابت.
صانع محتوى
بدك تنشر أكثر
مونتاج أسرع يعني ريلز أكثر بالأسبوع بنفس الوقت، وبستايل واحد بيعرفوك فيه.
مناسب أكثر إشي لـ
مقدّمي خدمات بيحكوا قدّام الكاميرا
ريلز منتجات
الخلاصة: وقت أقل، مصاري أقل، محتوى أكثر.
شو بيصير للفيديو تبعك
من تصوير خام لريل جاهز للنشر
كل ريل لحد دقيقة، وهاذ اللي بيصير فيه:
قص الفراغات والسكتات
منقيم السكتات الطويلة، البدايات المكرّرة والغلطات، والكلام بيطلع متدفّق من أول ثانية لآخر ثانية.
تحسين الصوت
تنظيف الصوت من الضجة والصدى، وتوحيد مستوى الصوت لمستوى المنصّات، فما في جملة عالية وجملة واطية.
كابشن على الشاشة كلمة كلمة
نص مكتوب متزامن مع حكيك، بالعربي، ومع الكلمات العبري أو الإنجليزي إذا حكيتها. أغلب الناس بيتفرّجوا بدون صوت.
موشن جرافيك (Motion Graphics) بسيط
عناوين، كروت نص وانتقالات ناعمة بألوان وخطوط البراند تبعك، بدون مبالغة.
مش مشمول
كتابة السكريبت
التصوير
لقطات إضافية بالذكاء الاصطناعي (AI B-roll)
مونتاج قصصي معقّد بمقاطع كثيرة
تلوين سينمائي
ريلز أطول من دقيقة
بدك إشي منهن؟ بنحكي عليه وبنسعّره لحال.
مسارين
بدك نمنتجلك، ولا بدك تتعلّم تمنتج لحالك؟
بالمسارين بنبني ستايل مونتاج خاص بالبراند تبعك، فكل ريل بيطلع بنفس الهوية.
المسار الأول
إحنا بنمنتجلك
للّي ما عنده وقت ولا بده يتعلّم. بتصوّر، بترفع، بتستلم.
100–120 ₪للريل، حسب طوله ونوعه
غير شامل ضريبة القيمة المضافة
حد أدنى 4 ريلز بكل طلبية
كل ريل لحد دقيقة
الدفع مسبق
لحد جولتين تعديلات
كيف بيمشي الشغل
- 1
بنبني ستايل المونتاج تبعك حسب البراند: ألوان، خطوط، شكل الكابشن والكروت.
- 2
بترفع الفيديوهات والمواد على مجلد Google Drive خاص فيك.
- 3
بتستلم الريل جاهز على نفس المجلد، جاهز للنشر.
- 4
عندك لحد جولتين تعديلات لكل ريل، بملاحظات مكتوبة ومفصّلة.
بدّي باقة 4 ريلز
الباقة الأساسية: 4 ريلز = 400–480 ₪ + ضريبة القيمة المضافة، بتندفع قبل ما نبلّش.
المسار الثاني
بتتعلّم تمنتج لحالك
للّي بده يصير مستقل ويمنتج كل ريلزه بـ Claude بدون ما يستنّى حدا.
1,500 ₪إرشاد كامل
غير شامل ضريبة القيمة المضافة
لقاء 3 ساعات
مرافقة أسبوعين
شو بنعمل سوا
- 1
مكالمة تحضير قصيرة قبل اللقاء، مع قائمة تجهيزات، عشان الثلاث ساعات تروح كلها عالمونتاج.
- 2
بنفتح الحساب والاشتراك بـ Claude وبنركّب كل مهارات المونتاج (Skills) على جهازك.
- 3
بنبني ستايل المونتاج تبعك حسب البراند، مرة وحدة وبيضل معك.
- 4
بنمنتج كم فيديو سوا من تصويرك إنت، لحد ما تمسك الشغل لحالك.
- 5
أسبوعين مرافقة بعد اللقاء للأسئلة وإذا علقت بإشي.
بدّي أحجز إرشاد
بتحتاج كمبيوتر (مش تلفون) واشتراك Claude على حسابك. الاشتراك مش شامل بالسعر، وبنختار سوا الباقة المناسبة لكمية الشغل تبعك.
عشان يطلع أحسن ريل
شغلتين قبل ما نبلّش
كيف تصوّر
التلفون كافي. هاي الأشياء بتفرق أكثر من الكاميرا نفسها:
عموديصوّر طولي 9:16، مش عرضي.
مايكحتى مايك صغير عالقميص بيعمل فرق كبير.
ضو من قدّامشبّاك أو ضو قدّامك، مش وراك.
أعلى جودة4K إذا تلفونك بيدعم.
كيف تكتب ملاحظة تعديل
التعديلات بتكون مكتوبة ومفصّلة: شو بالزبط بدك نغيّر، ووين بالفيديو.
هيك ما بنقدر نشتغل«مش عاجبني الأول، غيّره.»
هيك بالزبط«بالثانية 0:12 قيم جملة "يعني بصراحة"، وكبّر الكابشن شوي.»
أسئلة
قبل ما تسأل
ليش الحد الأدنى 4 ريلز؟
لأنه بالأول بنبني ستايل مونتاج خاص بالبراند تبعك. هاذ الستايل بيصير إله معنى لما يتكرّر على كم ريل، وبيخلّي الصفحة تبعك تطلع بهوية واحدة.
كيف بيكون الدفع؟
بالمسار الأول بتطلب 4 ريلز على الأقل بكل مرة، وبتدفع عليهم مسبقًا، وبعدها بنفتحلك مجلد الدرايف وبنبلّش. بالمسار الثاني بتدفع قبل ما نحدّد موعد اللقاء.
شو بصير إذا بدي تعديل بعد الجولتين؟
كل ريل إله لحد جولتين تعديلات. إذا بدك إشي إضافي بعدها، بنتفق عليه لحال قبل ما ننفّذ.
بأي لغة بيطلع الكابشن؟
بالعربي. وإذا حكيت كلمة بالعبري أو بالإنجليزي، بتنكتب بحروفها، فالكابشن بيطلع مثل ما حكيت بالزبط.
بقدر أمنتج من التلفون بالمسار الثاني؟
لا. التصوير بالتلفون، بس المونتاج بـ Claude بيصير على كمبيوتر. بمكالمة التحضير بنتأكد إنه جهازك جاهز.
الفيديو تبعي مناسب؟
إذا إنت بتحكي قدّام الكاميرا عن خدمة بتقدّمها، أو بتصوّر منتج، هاذ بالزبط الشغل اللي بنعمله. بعتلنا مثال وبنحكيلك بصراحة.
جاهز تبطّل تضيّع وقت عالمونتاج؟
احكيلنا عالواتساب أي مسار بدك، وبنرتّب معك الباقي: دفع، مجلد درايف، أو موعد للإرشاد.