كيف تكتب نص إعلان بيبيع: البنية الكاملة خطوة بخطوة (2026)

الجواب المباشر

نص الإعلان اللي بيبيع مش موهبة، هو بنية. خمس أجزاء بالترتيب: هوك بيوقّف التمرير، وجع بيحكي مشكلة القارئ بكلماته، حل وعرض واضح، دليل إنه الحل بيشتغل، ودعوة لإجراء وحدة.

والقاعدة الأهم: أول سطرين هم الإعلان كله. الباقي بينطوى تحت «شوف أكثر»، وأغلب الناس ما بتفتحه.

نص إعلان ميتا من 3 أجزاء

قبل البنية، اعرف وين بينكتب النص وقديش مساحة عندك:

البنية الكاملة: 5 أجزاء بالترتيب

أول سطرين هم الإعلان

أغلب الناس بتشوف إعلانك وهي عم تمرّر، وما بتكبس «شوف أكثر». يعني بالنسبة إلهم، الإعلان هو أول سطرين والعنوان.

فاكتب بالعكس. اكتب أول سطرين أول شي، واتأكد إنهم لحالهم بيحكوا القصة: هوك ووعد. الباقي تحت، للي بدو يعرف أكثر.

وهاذ بيبين بالأرقام. بحسابين حقيقيين بديرهم بنفس الـ CPM تقريباً، الإعلان اللي الـ CTR تبعه 4.72% كانت كبسته ₪0.39، واللي الـ CTR تبعه 2.89% كانت كبسته ₪0.65. الفرق كان بالإعلان نفسه، مش بالميزانية. التفاصيل بمقال تكلفة الإعلان الممول.

مثال: نفس المنتج، نصين

مثال توضيحي لمتجر. الفراغات بتعبّيها بتفاصيلك الحقيقية:

ليش ضعيف؟ ما في هوك، ما في وجع، ما في دليل. وكلمات زي «أفضل» و«أعلى جودة» بيحكيها كل حدا، فما حدا بيصدّقها.

كل سطر بيعمل شغلة وحدة من البنية: وجع، حل، دليل، ودعوة لإجراء.

النص بيتغيّر حسب مين بيقرأ

نفس البنية، بس نقطة البداية بتتغيّر حسب قديش الجمهور بيعرفك:

هاذ اختصار لفكرة مستويات الوعي. بـأسرار الأفكار الإعلانية في خريطة كاملة للمستويات الخمسة، وشو تكتب لكل مستوى.

أخطاء بتقتل نص الإعلان

• تبدأ باسم البراند بدل الهوك.
• تكتب مواصفات بدل نتيجة.
• تستعمل كلمات عامة زي «الأفضل» و«جودة عالية».
• تحط أكثر من دعوة لإجراء بنفس الإعلان.
• تحط المعلومة المهمة بالوصف، اللي كثير مرات ما بيبين.
• تكتب نسخة وحدة وما تجرّب غيرها.

وبحملات Advantage+، ميتا بتقرر الجمهور والمواضع، بس النص والكرييتيف لسا بإيدك. يعني نص قوي صار أهم من قبل، مش أقل.

---

بدك حدا يراجع نصوص إعلاناتك الحالية ويحكيلك شو الناقص؟ احجز استشارة 60 دقيقة.

أسئلة متكررة